Veiguela

Foro de traballo de Apelidos de Galicia. Pode publicar informacións de apelidos, ou modificar os xa publicados
Avatar de Usuario
LoisDelhe
Mozo
Mozo
Mensajes: 22
Registrado: 23 Ene 2003, 09:00
Ubicación: Santiago de Compostela
Contactar:

Veiguela

Mensaje por LoisDelhe »

Nom podo estar de acordo com C. Varela no relativo a que Veiguela seja apenas microtopónimo. Decerto, na freguesia de Meredo, pertencente ao concelho da Veiga de Riba d'Eu (ofic. "Vegadeo") sim há umha entidade de povoaçom menor, lugar ou casario d'A Veiguela, que será, portanto, topónimo maior. Ainda há mais alguns outros lugares denominados Veiguela ou Veiguelas, isso sim, de menor entidade, que já talvez nom entrarám na gaveta de topónimos maiores, como um par deles na comarca dos Ozcos, geograficamente nom longe do anteriormente citado, e sempre na chamada Galiza Arraiana ou Estremeira. A maioria dos que levam o apelido Veiguela, e mesmo provavelmente os que o tenhem hoje em dia nos EE.UU. ou em Sulamérica penso que os seus antepassados procedem desse lugar de Meredo, quando menos os que levam este apelido na Veiga de Riba d'Eu e na freguesia de Seares-Castro Pol (casa de Santiago del Carvalho). A rama de Boal (que nom é tam numerosa) tanto pode ser originária deste lugar como de um dos outros existentes na mesma comarca. Os que acá e acolá aparecem em diferentes pontos da Galiza ou mesmo testemunhalmente em Madrid som demostradamente da zona principalmente citada e provavelmente algum outro que houver tenha ancestros comuns com eles.

O que é salientável é a presença deste topónimo diminutivo de "veiga" na Galiza oriental, quiçá de maneira esclusiva (ele mesmo ou derivativos), no entanto outros de formaçom semelhantes (Vilela, de vila; Agrela, de agra; Lamela, de lama; Fraguela, de fraga; Medela, de meda, Lapela, de lapa, etc.) se acham mais estendidos e mesmo som mais abundantes como apelidos.

Cumpriria também nom esquecer o topónimo A Veiguelinha (deturpado em La Veguellina) do concelho berziano de Vila Franca do Berzo, igualmente da Galiza fora das fronteiras administrativas actuais, que provavelmente terá passado também à onomástica, e que reúne a curiosidade do duplo diminutivo (o mais arcaico em -ela > lat. -ella, e o posterior em -inha > lat. -ina).
Responder