http://www.xunta.es/notas-de-prensa/-/n ... igo-reximeO conselleiro de Cultura e Educación presenta o libro ‘Luces sobre a casa de Goiáns no Antigo Réxime’
A obra, promovida pola consellería que dirixe Vázquez Abad, afonda na traxectoria histórica do pazo máis influinte da comarca do Barbanza durante o Antigo Réxime
Durante a súa intervención, o conselleiro reivindicou a herdanza histórica do Pazo de Goiáns na construción dunha identidade artística galega
Ao rematar a presentación, os asistentes percorreron o pazo acompañados polo autor do libro, Xosé Manuel Vázquez Lijó
Boiro (A Coruña), 30 de xullo de 2012.- O conselleiro de Cultura, Educación e Ordenación Universitaria, Xesús Vázquez Abad, presentou hoxe o libro Luces sobre a casa de Goiáns no Antigo Réxime, unha obra na que o historiador Xosé Manuel Vázquez Lijó, ‘Queté’, afonda na traxectoria histórica dun pazo de gran poder e influencia na comarca do Barbanza durante esta época, da que proceden relevantes persoeiros da historia de Galicia.
Durante a súa intervención, Vázquez Abad reivindicou hoxe a herdanza histórica do Pazo de Goiáns na construción dunha identidade artística galega, en especial de “aquela que reflicte o ánimo construtivo e renovador que puxo os alicerces para que Galicia, con personalidade de seu, collese o ritmo da historia e tomase protagonismo na mesma con nome propio”.
Na presentación, que tivo lugar no salón de actos do centro social de Boiro (A Coruña), tamén estiveron presentes o secretario xeral de Cultura, Anxo Lorenzo; a concelleira de Cultura, Patrimonio e Comercio, Elena Teixeira; e o propio autor da monografía. Ao remate desta presentación, os asistentes tiveron a oportunidade de facer un percorrido polo Pazo de Goiáns, guiados polo escritor Vázquez Lijó.
A herdanza histórica do Pazo de Goiáns
Ademais do relativo ao patrimonio histórico-artístico, o conselleiro destacou a influencia desta institución na aparición de “grandes figuras das artes que levan a súa obra por todo o mundo e de profesionais dedicados a multitude de actividades cunha forte base creativa”, que se viron animadas por toda unha serie de “materializacións concretas, como as do Pazo de Goiáns, para asentarse definitivamente como parte de nós”.
Para rematar, fixo referencia ás palabras que Vázquez Lijó recolle na introdución desta monografía, nas que o autor afirma que “se en brillo arquitectónico Goiáns non pode rivalizar con outros pazos, non é menos certo que os edificios, espazos e paisaxes que contén nun marco físico privilexiado, a carón da ría de Arousa, é moi elevado e xustifica sobradamente a súa consideración de Ben de Interese Cultural”.
* Otros enlaces sobre la presentación del libro:
- "Vázquez presentou en Boiro o libro sobre a traxectoria do Pazo de Goiáns"
http://www.elcorreogallego.es/comarcas/ ... ia-758705/
- "Boiro recupera uno de sus capítulos olvidados sobre el pazo de Goiáns"
http://www.lavozdegalicia.es/noticia/ba ... 1C4996.htm
En el último enlace, detallan lo siguiente:
[...]
<<La publicación, que dedica sus páginas a la influyente historia del pazo de Goiáns, desde el siglo XVI y hasta el XIX, obligó al investigador a visitar archivos históricos por toda España durante su proceso documental. Tal y como recordó el autor durante su comparecencia, necesitó de gran paciencia durante su escritura.
Las más de doscientas páginas con las que cuenta el libro muestran la línea sucesoria de los personajes que vivieron en el pazo: monjas, caballeros, embajadores o coroneles. Además de algunas de sus peripecias durante su estancia. Por último, desglosa el patrimonio artístico y cultural que dejó por toda la comarca.>>